Unité- Démocratie- Justice sociale

Accueil Contactez-nous Sommaire


Google

 

sur le Web

Sur ufpweb.org

 

Bayyinaango

télécharger version imprimable

Ñalnde aljumaa 02 settaamburu 2005, Hooreejo Goomu Soldeteeɓe Daraniingu Nuunɗal e Demokarasi huccitinii e leñol ngol konngol mum gadonol, konngol teeŋtungol. O hollitii e konngol he tuugnorgal maɓɓe golle e mudda duuɓi ɗiɗi payɗi ɗi, e nder heen o habrii sariya mo laamu ngu ƴetti ngam yaafaade denndaangal muritaninaaɓe ñaawanooɓe sabu warhoyre e bonanndeeji to bannge politik. UFP ina weltii e konngol ngol, ina wondi e miijooji ɗi, sabu majji tawtude, e ko teeŋti, peeje ɗiɗi ɗi hollitnoo, peeje noddooje nanondiral ngenndi naftowal haa denndaangal muritaninaaɓe e yiɗɓe mumen cemmbina ɗum.

Ittataa, sabu ƴeewde nafoore leydi ndi, ko o holliti ko ina waawi timmitinireede hono nii :

1-To bannge beldital ngenndi : E sahaaji ɓennuɗi ɗi leƴƴi ɓaleeɓe Muritani lorliino lor muusɗo, lor peewtuɗo e ɗawre, koyeera e warngo. E dow ɗuum, laamu ngu, e ko yaaccii ina foti daranaade artirde taccinanooɓe, iddude maayraaɓe, rokkitde gollotonooɓe e laamu he golle mum en, yooltude hujjaaji soldateeɓe tooñanooɓe ekn...

Liggotooɓe to bannge politik ina poti fiɓondirde e ngal daawal gonangal ngam yeewtidoyde e warngooji ɗi e sifaa koɗdigal hakkunde leƴƴi ɗi, sabu ko ngal piɓondiral deeƴnata hakkilaaji wiyooɓe so ɗum yeewtaaka e ngal daawal (transition), heboraani yeewtoyeede. Miijo UFP ko yo ɗeen jeewte ngoppe haa laamu daawal payngal, sabu ko ndeen yimɓe ɓurata waawde luggiɗinaade heen, tawi ardinaa ko mahondiral hakkunde leƴƴi ɗi e dow goonga e potal e dow kadi ñawndule ɗe e fawaade e nuunɗal. UFP kañum gila jooni ina fiɓi ɗum.

2- Wonande njiyaagu : njiyaagu ina woƴi muritaninaaɓe kala haa teeŋti wuurɓe ɗum ɓe e daraniiɓe yooltude jojjanɗe aadee. E ngal daawal, njiyaagu ina foti suurteede tee peeje cakkee to bannge sariyaaji ngam momtude batte njiyaagu (to bannge faggudu, renndo e sariya). Yeewtere ko feewti e njiyaagu ɓuri ko waɗa caggal ngal ɗo daawal ngam waawde jogaade nafoore.

3- Wonande nguurndam ɓesngu ngu, sakkude peeje laaɓtuɗe ngam newnande ngu nguura, safaara, e nehdi moƴƴiri. Ɗum ko hade juɓɓingol yeewtere feewtunde e peccitagol ngaluuji leydi ndi e denndaangal ɓiɗɓe leydi ndi, e mudda payɗo.

E oo mudda gonaaɗo, peeje ina poti ɓameede ngam yuurnitaade ngonka pelle taraspoor, mburu e teewu, pelle mahiiɗe e dow nguyka e lemmingol ngaluuji e dow fenaande.

4- Rewindo e ciynugol tuugnorgal ngal : Ɗum naamni ko sosde njuɓɓudi ndenndinndi gollotooɓe to bannge politik, timmitinde sariya e mo tonngoode 2005- 077/PM tawa faccirta ko no njuɓɓudi ndi wuurdata. Njeñtudi goomuuji jaagorɗe ko adii nde bayyintee e balɗe 60 foti ko hollireede ndiin njuɓɓudi, rokka miijo mum heen.

Nuwaasoot ñalnde 03/09/2005



See who's visiting this page.

View Page Stats

Pour toute question ou remarque concernant l'Ufp ou ce site Web,
écrire à infos@ufpweb.org
Copyright © 2005