Digan xanne : kaawayen haayi

lundi 31 octobre 2011

O jamane ke na sahara nxon ya di, a senben roxen ya ni, a wa katta kaawayi xote ya yirigi ke siine 2011, a na ñi sere su ga nta a tu a mantooran ga xenpene noqu be jammane ke renmun da. Kan konton wa jamaane ke willayanu ku su di. Jin do sokken su konto, ken ni ho ya a ga tanpiyen ritini soxxanon do nagaanon kanma moxo buru.

Naganon wa, I noxonun wuru I haga jonpe I naaburun wurundini, soxxanon xa haga jigidun kuti I nta to I ga moxo su dabarini, baawo hari noqunu ku beenu ga Mali do Senegaali, I gan gaba teŋani ya, kun nuqunu yinmenu lenki kaawaye ke da i kita, a na xo ya o ga akonno moxo be, jikken ga ti kaara be wurugayen giri ti non ya yi.

Jammane be soron senben su ga birene soxen do nagaaniyen ya, gannin soxo moxon xase ke yaaga hinna I maxa, kaawaye ga an ri kendi a bonno ya, a wa xo ssina buru ku beenu ga dangi katta 1970, kun siino beenu ga da ho gabe bonon di o maxa. Ku xota guru beenu su ga katta o ya, toore be ga jamaanern di a wa torudun xottaxun wa, a hhju su nta ken di, a ken wa sukkene do moxo be I ga tallan fessene jamaanen naabiren yigayen wa moxo be, hari diganduuri koni moxo ntaxt a maxa, ken do gaaren do bonondinde do neenende. Lenki kiye ke a waxo toore ke gada I kitten hogu gollen di katta jammanke ya, na baane su toxo ti I du ya. Golli raxon su bono, sangen gabo, kannen ga bo jammanen di, a sangati dokarasin wa, jammanen naaburen fayi nde, biraadon xotoye, na moxon su dabari, soron ga taxandini moxo be.

1 UFP be malinten ga jamaanen renmu xeeri, a su nta xo lanpunto, an ga xeeri do deejo mulla jammane ke su di:1 a wa tini toore ke soron da, I na killi sahhabanto wutu jewoye maxa katta ke kaawayen mantooran laatondi o ya. 2 a wa a muurunu jamaane ke renmun maxa, a su nta xo, soxana saago ku, do nagaano ssago ku, I nan sigi du da, I ga ke xota gajan wa moxo be.

3 a wa a muurunu jamaane ke sikkaanon maxa, do goliñanllemo beenu su ga Moritani maxa, I na I kittun kahu me ma i wa moxo kitana na ke kaawaye kaana xata na a gaja.

Nuwasotu 10/16/2011.

Digallenmaaxun soroba